[ad_1]
وجه نجل حميد الشاعري رسالة شديدة اللهجة، للملحن حلمي بكر بعد تصريحاته الأخيرة أثناء حواره في إحدى البرامج التلفزيونية.
تحيا مصر يرصد لكم رسالة هجوم حميد الشاعري على حلمي بكر
وكتب نديم الشاعري، عبر حسابه الرسمي بموقع التواصل الإجتماعي فيسبوك: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.
نجل حميد الشاعري لحلمي بكر: أنت عبرة نفسية فاسدة
وتابع نديم: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم.
وأردف قائلًا: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.
واختتم كلامه، قائلًا: حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.
حلمي بكر وهاني شاكر
وقد صرح حلمي بكر لـ تحيا مصر أن: استقالة هاني شاكر من منصب نقيب المهن الموسيقية في محلها، لأنه غير قادر على وزن الأمور، والدولة نفسها لم يعد يعجبها وضع نقابة المهن الموسيقية ولذا يجب عليها أن تمارس دورها تجاه النقابة.
[ad_2]
