[ad_1]
أكدت الفنانة شيرين عبد الوهاب أن زوجها السابق حسام حبيب كان سببا في ابتعادها عن أصدقائها وعائلتها.
وقالت شيرين عبد الوهاب في مداخلة هاتفية مع برنامج “كلمة أخيرة”: خسرني كل الناس أخويا وأختي وأصحابي والسواق والشغالة بتاعتي، كل الناس بيتكلموا عليه ومتآمرين عليه حسسني أن كل الدنيا تأمرت علشان منبقاش مع بعض، صدقته والحقيقة مش كده، الحقيقة لازم يتعالج نفسيا لأن عنده حب الامتلاك عاوزك قدامي كده وخلاص.
نرشح لك: شيرين عبد الوهاب عن حسام حبيب : نفسي يغور ويتجوز ويبعد عني
ووجهت لميس الحديدي سؤالا لشيرين عبد الوهاب إن كانت لا زالت تحب حسام حبيب فردت عليها: عضدته عقربة مش لاقية حته تنام فيها إنسان قلبه أسود وفاضي وبيغتاب كل الناس، يا لميس لو كنتي صاحبتي كان طلعك أنك بتحرضيني أني أسيبه.
![شيرين عبد الوهاب](https://media.filfan.com/NewsPics/FilfanNew/large/388623_0.jpg)
وكشفت شيرين عبد الوهاب عن أزمة جديدة بينها وبين حسام حبيب وقالت: أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة بس أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي.
![شيرين عبد الوهاب](https://media.filfan.com/NewsPics/FilfanNew/large/389269_0.jpg)
وتابعت: قاعدة في الساحل لقيت تليفون جالي بسرقة عربية مرسيدس بتاعتي وكانت مكتوبة باسم حسام، سرق العربية وهي بأسمه، أنا عندي عربية عاليا أي حد عنده عربية عاليا بيجيب عربية للخروجات الكلاس، جبت عربية مرسيديس قولت يركبها حسام علشان عيب لو وقفه سيادة الضابط في الشارع يوريله الرخص يلاقيها باسم مراته فكان لازم تبقى باسمه جتني ستين نيلة على خيبتي، اتفق معايا بشهود أن في نفس الوقت هيعملي توكيل بالبيع علشان يضمن حقي، وكله طلع كلام في الهواء، دلوقتي بيهددني أن هيعمل محضر ضدي بسرقة العربية.
![شيرين عبد الوهاب وحسام حبيب](https://media.filfan.com/NewsPics/FilfanNew/large/388692_0.jpg)
وكشفت شيرين عبد الوهاب عن تفاصيل الأزمة التي حدثت وبسببها قامت بحلق شعرها وقالت: أحنا أطلقنا لما قصيت شعري طلاق بائن، وبعد ما هديت من الكارثة اللي حصلت حسيت أني لسه مش قادرة استغنى عنه وأني بحبه وليه مديلوش فرصة تانية، ليه ميبقاش في رحمة علاقة الجواز علاقة مقدسة لازم نشتغل ونحافظ عليها كنت بحبه وفكراه ابني مش جوزي، اهتميت بيه وعملت الاستديو علشان شغله واشتريت له كل الأغاني اللي تعجبه بشيكات باسمي علشان متروحش منه، في الآخر يتهمني اني تخينت وبقيت شبه أمي وعاوز واحدة حلوة افتخر بيها دا غير الخناقات اللي فيها ضرب وسحل على الأرض وشتيمة مفيش إنسانة تستحملها.
طالع أيضا: شيرين عبد الوهاب: خناقاتي مع حسام حبيب كان فيها ضرب وسحل وشتيمة مفيش إنسانة تستحملها
يذكر أن أخبار الخلاف بين شيرين عبد الوهاب وحسام حبيب خرجت للنور في نوفمبر الماضي عندما نشرت الإعلامية نضال الأحمدية فيديو كشفت فيه ما وصفته بتفاصيل طلاق شيرين عبد الوهاب وحسام حبيب عبر حسابها بموقع التواصل الاجتماعي Instgram.
![حسام حبيب وشيرين عبد الوهاب](https://media.filfan.com/NewsPics/FilfanNew/large/357481_0.jpeg)
وبعدها أصدرت شيرين عبد الوهاب بيانا رسميا تؤكد فيه انفصالها عن الفنان حسام حبيب، محتفظة بالأسباب لنفسها.
وفي مايو الماضي تجددت الأزمة من جديد بعد اتهام شيرين عبد الوهاب لحسام حبيب بمحاولة التعدي عليها وابنتيها بالسب والشتم، وطلبت تعهده بعدم التعرض لهم.
اقرأ أيضا:
ماذا سيحدث لو اعتذرت ياسمين صبري عن “صقر المحروسة”؟ أحمد عز يرد
ذهاب وعودة.. أبرز نجوم الدراما السورية الذين انتهت رحلتهم الفنية في مصر
جون ليجند في الساحل الشمالي لأول مرة.. أسعار التذاكر تصل إلى 3000 جنيه
أسعار تذاكر حفل محمد حماقي في الساحل الشمالي
لا يفوتك: ايه الأغنية اللي عمك البات حس إنها قريبة من أغنية روبي الجديدة نمت ننه ؟؟!
حمل آبلكيشن FilFan … و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
[ad_2]