رامي صبري: ويجز مبيقولش حاجة وأغاني المهرجانات خادشة للحياء (فيديو)

[ad_1]

حل الفنان رامي صبري ضيفا على إذاعة راديو إنرجي 92.1 مؤخرا.

وخلال الحلقة أطلق رامي صبري العديد من التصريحات حول أغاني المهرجانات وأغاني الراب والدويتوهات الغنائية التي لم تكتمل وغيرها.

وفي السطور التالية نرصد لك تصريحات رامي صبري مع إذاعة راديو إنرجي 92.1:

– ويجز مبيقولش حاجة بس ممكن أسمعه لأن المزيكا بتاعته ممكن أسمعها.

– أنا دارس موسيقى علشان كدا شايف إن المهرجانات مزعجة كلها “وش” في المزيكا والكلمات.

-“مش بسمع مهرجانات خالص وداني ما تتحملش المهرجانات لأن فيها ألفاظ خادشة للحياء.

-اتفرجت على كليب “شيماء” لكن مكملتوش الموضوع كله متعلق بإثارة الجدل.

-بحب الجمهور بتاعي يكون كل الفئات عشان كدا عندي حياء في كلمات الأغاني اللي بقدمه.

-هاني شاكر أمير الغناء العربي ومينفعش الشباب اللي لسة طالع يقولوا عليه بيغير منهم.

-أنا ضد المنع واتكلمت مع الفنان هاني شاكر بعد قرار المنع للوصول لحل.

-أغنية “حياتي مش تمام” مميزة علشان كلامها مختلف ومش بيتسمع كتير ومن أول ما سمعتها من عزيز الشافعي ودخلت دماغي.

– كلمة “مفتقدك” في أغنية “حياتي مش تمام” كنت معترض عليها في البداية لأني كنت حاسسها كلمة عظيمة أوي.

-عزيز الشافعي غير إنه ملحن شاطر هو شاعر مثقف أوي.

-أنا وعزيز الشافعي وتامر حسين صحاب جدا وجوة الأستديو عاملين زي العيلة والعلاقة بينا فيها حب.

– أغنية شطبنا كان المفروض تبقى دويتو مع أصالة لكن الموضوع مكملش.

-فكرت أعمل أغنية مع تامر حسني وحماقي واتكلمنا وكنا عايزين نعمل فكرة حلوة لكن الموضوع مكملِش.

– لما بسمع شيرين بحس إن صوتها نصي التاني.

– مش بحب التمثيل خالص بس فكرت أعمل فيلم موسيقي.

– كنت هعمل مسلسل مع مي عز الدين لكن الدعايا الخاصة بيا معجبتنيش وكانت لوحدها في صور الدعايا وكريم فهمي اللي عمل الدور.

– مش بشتغل ملحن لكن لما حد من صحابي بيحتاج أعمله أغنية بلحنها ولسة ملحن أغنية لشيرين.

-دايما بعبر عن الحب بالطريقة مش بالكلام.

لا يفوتك: “تحليل النغمات مع عمك البات” يكشف لنا لماذا الفنانة الإماراتية اليمنية بلقيس ظاهرة تستحق الدراسة؟

رامي صبري: ويجز مبيقولش حاجة وأغاني المهرجانات خادشة للحياء (فيديو) | خبر