[ad_1]
تحدث الفنان محمد عبد الرحمن عن الكثير من أسراره الشخصية وحول حياته قبل احترافه التمثيل، وذلك في دردشة عبر خاصية “سبيس” في موقع Twitter أدارها الكاتب تامر عبده أمين.
قال محمد عبد الرحمن “توتا”: “اشتغلت حاجات كتيرة أوي عشان أقدر أصرف، اشتغلت في سوبر ماركت، وفي محل قطع غيار سيارات، وفي صيدلية، وبنزينة على الدائري، وداتا انتري، وكنا بنعمل حفلات في قصر محمد علي ونفرش الترابيزات ونغسل الكوبايات والأطباق، وفي آخر اليوم آخد 45 جنيه وجركن عصير”.
أضاف عبد الرحمن: أول مرتب قبضته كان من البنزينة، كانت اليومية بتاعتي 20 جنيه، ومفيش حد بيشوف حلمك زيّك، مستحيل، شوف حلمك ووظف حياتك له عشان حتى تحس بطعمه، الطبخة الحلوة بيطبخها شخص مش 200 شخص، اعمل اللي عليك وسيب الباقي على الله، وخليك فاكر أن كل حاجة رزق من ربنا.
وعن وظيفة أحلامه، قال: “أنا كان نفسي زمان أبقى طيار، وبعدها طموحي اتغير وبقيت نفسي أبقى صيدلي ولكن مجبتش مجموع ووقتها حسيت أن الدنيا اسودت في عينيا، ولكن ربنا كان مجهزلي حاجة تانية وربنا اختارلي الخير والأفضل”.
يذكر أن آخر أعمال محمد عبد الرحمن كان مسرحية “في نص الليل” في موسم الرياض، وهي مستوحاة من عالم الكاتب الراحل بهجت قمر، وشارك في بطولتها غادة عادل وحسن الرداد وريم مصطفى وسليمان عيد ومصطفى هريدي ومصطفى بسيط ونيللي محمود، ومن تأليف أيمن بهجت قمر، وإخراج عمرو عرفة.
لو فاتك- ليه كل الناس بتحب تتابع “تيك توك” ريا أبي راشد؟ الفيديو ده هيقدم لك الإجابة
اقرأ أيضا:
ماجد المصري ينسحب من “بابلو” لرمضان 2022 وحسن الرداد بديلا له
نيللي كريم عن دورها في “الجسر”: متحكموش على “دليلة” بدري..مضطرة تكون عنيفة
هدى المفتي تصاب بكسر في قدمها (صورة)
قتله الخوف..يحيى الفخراني يروي كيف أنقذه القدر من تصوير مشهد مع فأر
حمل آبلكيشن FilFan … و(عيش وسط النجوم)
جوجل بلاي| https://bit.ly/3c7eHNk
آب ستور| https://apple.co/3cc0hvm
هواوي آب جاليري| https://bit.ly/3wSqoRC
[ad_2]
