[ad_1]
10:55 م
الثلاثاء 15 فبراير 2022
كتب – محمد أبوالمجد:
علق مطرب المهرجانات عمر كمال، على قرار نقابة المهن الموسيقية بوقفه عن الغناء بسبب هجومه على الفنان هاني شاكر، قائلًا: “أنا كنت في حفلة في واشنطن وكان في شوية جمهور عايزين يدخلوا الحفلة هنا ولكن الحفلة كانت ممتلئة بالكامل وهنا الأمن بنظام عشان كورونا فمنعهم من الدخول وحصلت مشكلة والأمن فضها”، مضيفًا: “بعد كده لقيت إعلاميين بيقولوا دي خناقة بارات وخناقة شوارع ودول بتوع المهرجانات”.
وأضاف “كمال” في حواره لبرنامج “يحدث في مصر” على فضائية “إم بي سي مصر” اليوم الثلاثاء: “بالأمس كنت في كروز مع النجم راغب علامة والنجمة إليسا ونانسي عجرم وقبلها كنت في يوستن وكاليفورنيا، وممكن حضرتك تحكم دي قهاوي بلدي ولا مسارح محترمة”، موضحًا: “طلعت أدافع عن نفسي في فيديو لايف لأن في حفلة من الحفلات كانت هتتلغي بسبب الكلام دا والناس قالولي يا عمر الناس بتقول أن حفلاتك مفيهاش أمن”.
وتابع: “طلعت في الفيديو قلت إني راجل محترم وتعبت لحد ما أخدت فيزا أمريكا بعد شقا مفيش أصلا مواعيد، لقيت واحد بيقولي هاني شاكر هيمرجحك لما ترجع، قولتله لا أنا راجل محترم وهاني شاكر مش هيمرجحني هو بيمرجح اللي مش كويس”، موضحًا: “لقيت واحد تاني بيقولي هاني شاكر هيقطعلك تذكرة رجوعك لمصر قولتله لا يا حبيبي أنا المتعهد بتاعي قاطعلي تذكرة رجوعي لمصر، وأخرى بتقولي أصل أحنا داخلين على نص الليل روح توب وصلي، قولتله روحي حضرتك إنتي صلي وسبيني بعد اللايف أصلي ودا كل اللي حصل”.
وأردف: “دا كل كلامي وبعدها لقيت بيان طالع على المواقع إني سكران وتحت تأثير الكحوليات”، متسائلًا: “مين قال إني سكران ؟!”، مؤكدًا: “مفيش أي اتصال رسمي حصلي واللي حصل نفس موضوع تمور وحليب اللي حصل قبل كده ودا اللي بيحصل دائمًا بنطلع قرار إيقاف”، موضحًا: “إمبارح بعت فويس للاستاذ هاني شاكر لمدة 6 دقائق وقولتله إنت جزمتك فوق راسي ومستحيل حد يغلط في حضرتك وبعت الرسالة أيضًا لكل أعضاء النقابة لأني مقدرش أغلط في حد لإني بشرف بلدي”.
وأكد: “أنا امبارح طالع قصاد 5 آلاف فرد ورافع علم مصر ومكنش في غير 2 بس اللي مصريين في الحفلة”، متسائلًا: “ليه يطلعلي قرار إيقاف؟! دا لو افترضنا مجرد افتراض إني قلت استاذ هاني شاكر يطلعلي قرار إيقاف؟! وليه بيقولوا إني كنت سكران هما عملولي DNA ؟!”.
[ad_2]
