[ad_1]
أطل الفنان سعد الصغير في فيديو مباشر عبر صفحته بموقع Facebook للحديث عن واقعة قتل فتاة المنصورة وتقديم نصائحه للشباب.
قال الصغير: “سر الكرم اللي بعيش فيه هو المتاجرة مع الله، وتاجروا مع ربنا بأعمال الخير والتبرعات وهيكرمكم، وأضاف : أنا مش بعرف أرقص ولا أغني لكن ربنا بيكرمني علشان بتاجر معاه”.
وعن واقعة قتل فتاة المنصورة، قال سعد الصغير: “عمر ما حد بيحب حد يموته، الولد ده أكيد كان شارب حاجة، وأنا لو هحاكمه مش هيكفيني فيه إعدام، محدش يقنعني إن الراجل ده كان في وعيه، لو هي قالت له مش عاوزاك يسألها ليه ولو فيه عيوب يصلحها”.
وتابع: أنا والله العظيم بروح أفراح بيفرقوا أكياس أي حاجة تتخيلوها في الدنيا وباخدها أرميها، تموّت عروسة كده لو بنتي وهيتشنق مليون مرة ناري مش هتبرد.
وأضاف: أكيد كان شارب لو مش شارب هياخد ويدي معاها، ولكل أم راقبي ابنك كتفيه ووديه للمصحة، أنا في الأفلام بمثل الحاجات دي وليا أصحابي بيشربوا الحاجات دي وبزعل عليهم ووشهم بيبقى معضم، ما حدش بيموت حد غير لما يكون واخد حاجة، حسبي الله ونعم الوكيل، وبعد ما يفوق هيقول ياريت اللي جرا ما كان.
يذكر أن مدير أمن الدقهلية، تلقى إخطارا من مدير مباحث المديرية، بورود بلاغ من أمن إدارة جامعة المنصورة بقيام طالب بإنهاء حياة زميلته بعد طعنها بسكين في الرقبة.
وعلى الفور انتقل ضباط مباحث قسم أول المنصورة، إلى مكان البلاغ، وبالفحص وسؤال شهود العيان أكدوا أنه أثناء وصول أتوبيس قادم من مدينة المحلة، وعقب نزول الطلاب للدخول وأداء امتحانات نهاية العام، قام أحد الطلاب بإشهار سلاح أبيض سكين وقام بتوجيه طعنات نافذة لزميلته بالرقبة، وسقطت على الأرض مغشيا عليها، وغارقة فى دمائها، وقام عدد من المتواجدين أمام بوابة الجامعة، بالإمساك وضبط الطالب والسلاح المستخدم بالحادث.
وكشفت التحريات الأولية أن الطالب يدعى “م ع م”، بالفرقة الثالثة بكلية الآداب بجامعة المنصورة، والمجني عليها تدعى “ن أ أ”، بكلية الآداب، وتم نقل الطالبة إلى مستشفى الطوارئ بالمنصورة، كما تم نقل الطالب إلى مستشفى الطوارئ لوجود إصابات نتيجة تعدى عدد من الأهالى عليه أثناء ضبطه.
[ad_2]
