شيرين عبد الوهاب: تامر حبيب لما شافني عيط وياسمين عبد العزيز قالت عاوزة أديكي قلم | خبر

وجهت الفنانة شيرين عبد الوهاب الشكر لكل من سأل عنها سواء من أصدقائها الفنانين أو الجمهور واعتذرت أنها تسببت في قلقهم كثيرا.

وقالت شيرين عبد الوهاب في مداخلة هاتفية مع الإعلامية لميس الحديدي في برنامجها “كلمة أخيرة”: مش هنسى سؤالك عليا ولا سؤال ناس كتير زي ياسمين عبد العزيز ومنة شلبي وكل الجمهور.

نرشح لك: شيرين عبد الوهاب : قلت لحسام روح يا عين أمك جيب المأذون وطلقني وكانت فضيحة في الأوتيل

وكشفت شيرين عبد الوهاب عما حدث بينها وبين السيناريست تامر حبيب عندما التقى بها في الساحل الشمالي وقالت: تامر حبيب شافني في الساحل قعد يعيط نص ساعة.

كما حكت شيرين عبد الوهاب عن مكالمة بينها وبين الفنانة ياسمين عبد العزيز وقالت: ياسمين عبد العزيز وقفت معايا وقفة مش هنساها ربنا يخليها ويبعد عنها العين، قالتلي أنا مش صحبتك أوd بس نفسي أديكي قلم وأقولك فوقي.

وكشفت شيرين عبد الوهاب عن أزمة جديدة بينها وبين حسام حبيب وقالت: أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة بس أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي.

وتابعت: قاعدة في الساحل لقيت تليفون جالي بسرقة عربية مرسيدس بتاعتي وكانت مكتوبة باسم حسام، سرق العربية وهي بأسمه، أنا عندي عربية عاليا أي حد عنده عربية عاليا بيجيب عربية للخروجات الكلاس، جبت عربية مرسيديس قولت يركبها حسام علشان عيب لو وقفه سيادة الضابط في الشارع يوريله الرخص يلاقيها باسم مراته فكان لازم تبقى باسمه جتني ستين نيلة على خيبتي، اتفق معايا بشهود أن في نفس الوقت هيعملي توكيل بالبيع علشان يضمن حقي، وكله طلع كلام في الهواء، دلوقتي بيهددني أن هيعمل محضر ضدي بسرقة العربية.

وكشفت شيرين عبد الوهاب عن تفاصيل الأزمة التي حدثت وبسببها قامت بحلق شعرها وقالت: أحنا أطلقنا لما قصيت شعري طلاق بائن، وبعد ما هديت من الكارثة اللي حصلت حسيت أني لسه مش قادرة استغنى عنه وأني بحبه وليه مديلوش فرصة تانية، ليه ميبقاش في رحمة علاقة الجواز علاقة مقدسة لازم نشتغل ونحافظ عليها كنت بحبه وفكراه ابني مش جوزي، اهتميت بيه وعملت الاستديو علشان شغله واشتريت له كل الأغاني اللي تعجبه بشيكات باسمي علشان متروحش منه، في الآخر يتهمني اني تخينت وبقيت شبه أمي وعاوز واحدة حلوة افتخر بيها دا غير الخناقات اللي فيها ضرب وسحل على الأرض وشتيمة مفيش إنسانة تستحملها.

طالع أيضا: شيرين عبد الوهاب: خناقاتي مع حسام حبيب كان فيها ضرب وسحل وشتيمة مفيش إنسانة تستحملها

يذكر أن أخبار الخلاف بين شيرين عبد الوهاب وحسام حبيب خرجت للنور في نوفمبر الماضي عندما نشرت الإعلامية نضال الأحمدية فيديو كشفت فيه ما وصفته بتفاصيل طلاق شيرين عبد الوهاب وحسام حبيب عبر حسابها بموقع التواصل الاجتماعي Instgram.

وبعدها أصدرت شيرين عبد الوهاب بيانا رسميا تؤكد فيه انفصالها عن الفنان حسام حبيب، محتفظة بالأسباب لنفسها.

وفي مايو الماضي تجددت الأزمة بعد اتهام شيرين عبد الوهاب لحسام حبيب بمحاولة التعدي عليها وابنتيها بالسب والشتم، وطلبت تعهده بعدم التعرض لهم.

اقرأ أيضا:

شيرين عبد الوهاب عن حسام حبيب: عضدته عقربة مش لاقية حته تنام فيها إنسان قلبه أسود

شيرين عبد الوهاب: خناقاتي مع حسام حبيب كان فيها ضرب وسحل وشتيمة مفيش إنسانة تستحملها

“بنت الجيران” تعود على يوتيوب.. وحسن شاكوش يعلق: بفضل ربنا وجمهوري

هل شاهد الزعيم فيلم “عمهم”؟ محمد إمام يجيب (فيديو)

لا يفوتك: ايه الأغنية اللي عمك البات حس إنها قريبة من أغنية روبي الجديدة نمت ننه ؟؟!

حمل آبلكيشن FilFan … و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري|