مصطلح “السينما النظيفة” تشدد اطلقه إرهابيين.. وبيتعرض عليا دلوقتي أدوار هايفة

تحدثت الفنانة القديرة آمال رمزي عن رأيها في مصطلح “السينما النظيفة”، مشيرة إلى أنه مصطلح اطلقه إرهابيين مدفوع لهم أموال، وذلك خلال لقائها في برنامج “نص الكلام” الذي تقدمه الإعلامية اللبنانية راغدة شلهوب على شاشة تلفزيون قناة “النهار”.

تحيا مصر يرصد تفاصيل أبرز تصريحات آمال رمزي عن مصطلح السينما النظيفة

حيث قالت آمال رمزي لـ برنامج “نص الكلام”: “احنا فتحنا عنينا أن احنا بنحب السينما ودا تمثيل، يعني ايه نضيفة ومش نضيفة، والتشدد اللي موجود اليومين دول يدل على أنه فيه الناس إرهابيين اتزرعوا وسطنا، وناس بتديهم فلوس ودا مش تدين، هما واخدينها شغلانة يكسبوا منها، أنما الحمد لله ربنا نصرنا عليهم وعرف الريس بتاعنا يوقفهم عند حدهم”.

وتابعت آمال رمزي قائلة: “والأخوان دول عايشين تحت الأرض مش بينتهوا فدايما فكرهم بيشوشر، يعني أنا مرة شوفت القناة بتاعتهم لقيت الكبير بتاعهم دا قاعد يقول احنا هنعمل وهنعمل”.

آمال رمزي وعلاقتها بالسوشيال ميديا

وعن الإشاعات التي تنشر على السوشيال ميديا عن آمال رمزي، أكدت على أنها لم تعد تهتم بالشائعات التي تنشر عنها مقارنة بالماضي، حيث قالت: “جوزوني كتير ودا محصلش، فخلاص الإشاعة بتطلع وبعدين بتموت ومش برد، كنت زمان بزعل وبعيط ودلوقتي بطلت”.

الأدوار التي تعرض على آمال رمزي

كما أكدت آمال رمزي على أنها في الفترة الأخيرة يعرض عليها أدوار لا تليق بتاريخها مما يضطرها إلى رفض المشاركة في تلك الأعمال، حيث قالت لـ برنامج “نص الكلام”: “بعد ما كان الواحد بيعمل أدوار حلوة دلوقتي بيتعرض عليا أدوار هايفة زي أني أعمل صاحبة صديقة حد، واللي يهمني مش طول الدور ولكن اللي يهمني إيجابية الدور”.

وتابعت آمال رمزي قائلة: “بيدخلي فلوس من الأعمال اللي بقدمها حاليا بس الدور الحلو بيهمني أكتر من الفلوس والحمد لله عايشة، يعني جه فترة كنت متجوزة لوا في الجيش وكان عندي عربية وشقة غير بيت ماما، وبعت العربية والشقة بتاعتي وحطيتهم في البنك وديعة فجالي شغل أو مجاليش الحمد لله أنا متغطية من الوديعة”.