[ad_1]
فجر الفنان محمد عطية عدد من التصريحات الجريئة خلال إحدى اللقاءات التليفزيونية حول الدين والزواج، مشيرًا إلى أنه يفضل الزواج عن طريق المساكنة دون عقد.
تحيا مصر يرصد تصريحات محمد عطية
قال محمد عطية: في حاجات كتير في الدين صعب أتقبلها، زي تعدد الزوجات والقتل باسم الدين، وممكن أتجوز من غير دين المهمة تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه ندخل المجتمع والقوانين بينا؟”.
وتابع: “الأنسب نتجوز من غير عقد زي المساكنة لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ”.
وعن قضية نيرة أشرف قال: الرجل الشرقي بيروح يجيب واحد متحررة وعايز يغيرها، طيب ما تروح تجيب واحدة شبهك من الأساس.
واستكمل: اللي حصل في موضوع نيرة أشرف التشريح ده موجود في كل جرائم القتل، لكن إعلان فكرة هي عذراء ولا لأ، دي حاجة المسؤولين المفروض يحاسبوا المتسبب عليها جدًا، لأن دي بتعكس إزاي المجتمع بيحكم على على المرأة أو القتيلة من خلال شرفها اللي بيتمثل في علاقاتها الجنسية.
وأضاف: طب ليه الست عندها شرف والراجل لأ؟ مش فاهم، هل علشان الرجل معندوش علامة إنه فقد عذريته هل كده لم يفقد عذريته؟.
وتابع: العذرية ليست دليل على شرف المرأة ولا على علاقتها الجنسية ولا أكلها ولا شربها، أنا مع المساواة 100% الل يطبق على الراجل يطبق على البنت.
واستطرد: أنا مش مع حكم الإعدام على قاتل نيرة أشرف، ولا مع إذاعة تنفيذ الحكم، يعاقب بالمؤبد ويضيع عمره وهو بيعذب في السجن، أنا عندي مبدأ إنه لا يجوز إني أنجرف وراء عواطفي وأبقى شخص مشابه للشخص اللي ارتكب الجريمة لأني هبقى زيه في وقت من الأوقات”.
واختتم محمد عطية حديثه قائلًا: “لو حد تعرضلي بأي شكل ورديت له بنفس الفعل بتاعه هبقى زيه، أنا في الأخر في هذا العالم الغريب لازم الواحد يحافظ على إنسانيته على قد ما يقدر”.
[ad_2]
