أصحاب وبيزنس.. سلمى وسلوى طالبتان تنفذان سجادًا بتصميمات مبتكرة وحكم

سلمى وسلوى، صديقتان وزميلتان بكلية الفنون التطبيقية بإحدى الجامعات الخاصة، حب التصميمات الفنية والألوان جمع بينهما، وبرغم إنهما بمرحلة الدراسة الجامعية، إلا أنهما لم تنتظرا انتهاء الدراسة حتى تحققا حلمهما، واتفقتا على عمل مشروع صغير لصناعة السجاد، بتصميمات مختلفة، وبدأتا مشروعهما بدلاً من انتظار الوظيفة بعد التخرج من الجامعة.

تحدثت سلمي ياسر، الطالبة بالفرقة النهائية بكلية الفنون التطبيقية، بإحدى الجامعات الخاصة، عن مشروعها هي وصديقتها، لـ” اليوم السابع”، حيث قالت: “أنا وصاحبتى سلوى هانى، بنحب الرسومات الفنية والألوان، عشان كده اخترنا ندرس فى قسم هندسة المنسوجات، واتعلمنا في الكلية إزاى نصمم سجاد بداية من رسم التصميم وأساسياته، وبدأنا مشروعنا الصغير واعتمدنا على نفسنا، وبنصمم سجاجيد حسب طلب العميل سواء سجاد كبير أو صغير”.

تابعت :” إحنا بنصمم سجاد كلاسيك أو مودرن أو أي تصميم، وبنفذ من أصغر لأكبر مقاس ومدة التنفيذ بتاخد 15 يوما، والرسومات اللي بنفذها بتكون حسب طلب العميل وبنفذ منه قطعة واحدة بحيث تكون موجودة في بيت العميل ومش موجودة في بيت تانى، و بنعمل السجاد من الصوف الطبيعى ارتفاع الوبره 18 ملي”.

 

 

سجاد سلمى وصديقتها منقوش بالرسومات المختلفة المستوحاة من الطبيعة وأخرى مدون عليها حكم، حتى يتميز عن التصميمات المختلفة، ولكن واجه الصديقتان الكثير من الصعوبات في مشروعهما الصغير، والتي تحدثت عنها قائلة: “الصعوبات اللي واجهتنا إن كان في ناس كتير بتحبطنا في البداية، وتقولنا مش هتوصلوا، وأنتو إيه اللى بتعملوا ده، وأنتوا لسه طلبة، بس تشجيع أهالينا وأساتذتنا، شجعنا إننا نستمر، ونثبت نفسنا “.

تحلم سلمى بتحقيق الكثير من أمانيها هي وصديقتها على أرض الواقع، والتي تحدثت عنها قائلة: “نفسى أنا وصاحبتى مشروعنا يكبر، ويبقى مشروع، ونفتح مكان باسمنا”.