[ad_1]
بمجرد أن يكبر الأطفال ويبدأون فى إدراك الأشياء من حولهم، فإن أول ما يلفت انتباههم هو الموبايل، ويحاولون بشتى الطرق الحصول على الموبايل الخاص بوالديهم للعب به أو مشاهدة بعض أفلام الكارتون وبرامج الأطفال عليه.
ويعانى الكثير من الآباء والأمهات من مشكلة استخدام أطفالهم للموبايل، حيث يقضون الكثير من الوقت أمام شاشة الكمبيوتر أو الموبايل، وهو ما قد يؤثر عليهم سلبيا.
ولتوضيح تأثير استخدام الأطفال للموبايل لساعات طويلة، تتحدث الأستاذة أمل غالى، الاستشاري التربوى ومدربة التربية الإيجابية المعتمدة، فى حلقة جديدة من برنامج “kids area“.
تقول أمل غالى : “الأطفال قبل سن السنتين ممنوع يشوفوا الموبيل والتليفزيون، حاولى تبدليهم باللعب، لأن الجلوس أمام التليفزيون أو الإنترنت، يؤثر على كلام الطفل، وعلى مهاراته وبيحرمه من إنه يعرف مواهبه وقدراته”.
وللحد من تأثير الموبايل السلبى على الأطفال قالت أمل غالى : “مهم يكون فيه وقت بتشوفي مع ابنك المحتوى اللي بيشوفه وتناقشيه فيه، وحددى أوقات لاستخدام الموبايل، وامنعيه وقت الطعام، وحاولى تعملى وقت في اليوم ليكم كأسرة مع بعض من غير موبيل”.
وتابعت قائلة : “وفرى لابنك أنشطه بديله واعملوا وقت محدد لاستخدام الموبيل يكون في حدود ساعه أو اتنين في اليوم، واستحملى الزن والعياط في الأول، بس خليكى متعاطفة مع طفلك، وخليكى حاسة بيه، ده بيفرق جدا في استقباله للكلام، و مهم تكونى قدوة ليه، وابعدى عن الكلام اللي ممكن يوجعه”.
[ad_2]
