[ad_1]
07:20 م
الإثنين 08 نوفمبر 2021
كتبت- بهيرة فودة:
كشفت الفنانة منة فضالي عن تعرضها للتهديدات من مخرج عراقي فيلمها الجديد، والذي صورت العديد من مشاهده.
وقالت منة فضالي في بث مباشر على حسابها الشخصي بموقع “فيسبوك”: أنا عندي مشكلة كبيرة جدا وحبيت أطرحها على كل الناس، وعشان ميكنش فخ لكل الناس وزمايلي يقعوا فيه، أنا دخلت فيلم مع مخرج عراقي طلبني في شركة بالمهندسين، وقالي إنه عنده فيلم مهم وفيه ممثلين مهمين جدا ومنهم الفنان مجدي كامل وأسماء كتيرة”.
وأضافت: “رحت أصور الفيلم وكان ذوق ومحترم جدا، وقالي معايا منتج من بره مصر، ويوم التصوير لقيت كل الكاست اتغير ومافيش غير الفنان مجدي كامل، وتفاجئت إن كل شوية الناس بتطلب فلوسها فيتقال ليهم مافيش فلوس، في ناس بتقول مش محتاجة فلوس والكلام اللي أنا مش هرد عليهم، لأن أنا دخلي الوحيد الشغلانة دي”.
وتابعت: “فيه ناس كتيرة معايا تعرضوا للإهانات والبلطجة واتغير المنتج الفني، وطلب مني يجيلي البيت وجالي مع منتج اسمه حاتم، وبصراحة كنت أول مرة أشوفه وأتعامل معاه، وقالولي معلش هنستأنف التصوير مرة أخرى، وخلوني اعتذرت عن عمل جديد في لبنان علشان أكمل الفيلم ده”.
وأكملت: “مخرج العمل استغنى عن جميع أبطاله، وأجّر أحد البلطجية للتصدي لكل من يطالب بأجره”، متابعة: اللي بيجي يطلب فلوسه بيضربه.. جايب له بلطجي وبيحبسه في الأوضة، وباعت للمنتج الفني الجديد تهديدات وأي حد هيطلب منه فلوسه، احنا مُعرضين للهجوم على بيوتنا في أي وقت، حتى بتاع البوفيه ليه 2800 جنيه.. راح طلبهم وحبسوه في أوضة والبلطجي دخل ضربه، وأنا قدمت شكوى لنقابة المهن التمثيلية”.
وقالت: “حبيت أطرح الموضوع عليكوا، لأن في ناس من أصدقائي مخدوعين في المخرج، النقابة أخدت الإجراءات ووقفوا الفيلم”.
[ad_2]
