[ad_1]
أعلن محمود المهدي، منذ قليل، انتهاء خلافه مع زوجته الفنانة الشابة منة عرفة، بعد أن أعلنا الأيام الماضية خبر انفصالهما للجمهور.
وعلق المهدى، على انتهاء خلافه مع زوجته عبر حسابه الرسمي على موقع التواصل الاجتماعي “إنستجرام”، قائلا :” الحمد لله دائما ثقتى فى ربنا كبيرة، وشكرا لكل واحد أتمنى الخير لينا، ربنا يردهولك أضعاف”.
وكتبت منة عرفة، عبر حسابها على موقع التواصل الاجتماعي «انستجرام»: «من أصعب اللحظات اللى ممكن تعدى على أى ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقه فبقى أبغض الحلال عند الله بالنسبة لكوا نكتة أو حاجة تتمسخروا عليها».
وأضافت منة عرفة: رهان بتعملوه مع بعض على اننا مش هنكمل !، أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، فى عز ضعفى وحزنى وكسرتى إلى ربنا ما يكتبها على أى ست مرحمتونيش ولا قدرتوا إنى فى موقف لا أحسد علیه وشمتانين فينا!! قد إيه أنتوا ناس متعرفوش ربنا ولا فى قلوبكم رحمة، أتمنوا الخير لبعض يا جماعة بلاش نشمت فى بعض.
وتابعت عرفة :لكن دى غلطتى أنا إنى شاركتكوا حياتى الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دى، وعسى أن تكرهوا شيئا وهو خير لكم، يمكن الخلاف إلى حصل كشف لنا ناس كتير حوالينا كانوا بيمثلوا انهم فرحانين لينا بس الحقيقى إنهم كانوا مستنين أول مشکلة عشان يشمتوا فى كسرتى وخراب بيتي.
واختتمت منة عرفة، :«بس والله ربنا مش هينولهلكو وربنا يخليلى أهلى وزوجى والناس اللى بتتمنالى الخير ووقفت جمبى».
[ad_2]
