[ad_1]
صرح المطرب الشعبي السابق ورجل الأعمال الشهير بـ “عمده”، تصريحات نارية عن الممثل باسم سمرة.
ونشر “عمده” فيديو عبر صفحته الرسمية بحسابه الخاص بموقع “الفيس بوك” ليوضح فيه المشكلة التي نشبت بينه وبين باسم سمره بإحدى الكباريهات التي يمتلكها عمده.
وقال عمده “أنا عارف باسم سمرة أو باسم خضرة من زمان، وعارف انه ليه مشاكل كتير، لكن ماكنتش متخيل انه كده”
وتابع قائلا “انا قالولي ان باسم سمرة فى المكان، فنزلت اشوفو، لقيته في حالة سكر لا يرثى لها، وكان عمال يلف في الصالة بتاعة المكان يسلم على ده ويقلش على ده ويبوس إيد دي ودي، وكإنه فاهم أوي في الإيتيكيت”
واستكمل “طبعا انا طبيعي اخاف على شغلي والجيست بتوعي وعلى سمعة مكاني، ولما الجارد جم قالوا لي إلحق باسم مبهدل الدنيا فالصالة، وبيغلط في الناس، نزلتله حاولت أهديه وأرضيه وقولتله يانجم اهدى شوية وحاول تخاف على منظرك وعيب اللي انت بتعمله، لكن طبعا هو فى حالة السكر مابيبقاش شايف ولا واعي هو بيقول ايه، ولقيته بيقولي انا والله ماعملت حاجة انا يادوب برقص أهو، واشتد بينهم الحوار ليقول له باسم سمره انت ماتعرفش انا مين؟ انا الهرم يالا !”
وجاء رد عمده عليه ده أنا ماعرفش إلا أهرامات الجيزة، انت بقا مين فى البلد أصلا، وعيب لما تيجي على الشباب الفنانين ، يعني واد زي عمر كمال لسه شاب صغير وناجح، ليه تتنك عليه وليه تزعله؟ انت لما عملت مشكله مع رمضان كان هايتعمل معاك كتير لولا رمضان عفى عندك لإن رمضان راجل أصلا وبيعمل من غير مايقول”.
وتم طرد باسم سمرة من المكان بشكل غير لائق نظير مافعله من مشاكل بسبب شربه للخمر.
وقال عمده “كلمني باسم تاني على التيفون بعد ما انطرد من المكان، وقعد يقولي أنا مش هاسيبك وأنا هاكسرلك المكان وهاقفلهولك، انا كنت بحب باسم سمرة بجد كممثل، ودوره في فيلم الجزيرة 1كان حلو أوي أوي، ودوره في فيلم عمارة يعقوبيان لما كان بيجسد دور الراجل السيكو سيكو، أهو ده آخرة باسم سمرة”.
واختتم عمده حديثه متوعدا باسم سمرة قائلا “لو شوفتك هامرجحك، وربنا يهديك لنفسك، لإن الفنان لازم يكون محترم، بما ان انت مش محترم فأنا هاعرف اتصرف معاك لأنك مش محترم ومش جدع”.
ويذكر ان عمده قدم العديد من الأغاني الشعبية منذ سنوات قبل أن يعتزل المجال الفني، ومنها “عايز اعيش، لأ لأ ، العيال مين هايشيلها، البري بئ”.
[ad_2]
